2024-2025 azken urte hauetan, Despentsa Ehuntzen proiektuak La Caixa eta Caja Navarrako fundazioen laguntza izan du Innova Programaren bidez (landa-eremua).
Azken fase honetan, bi ardatzen inguruan egin da lana, landa biztanleriari KM0 elikagaiak eskuratzen laguntzeko eta tokiko sare sozioekonomikoa indartzeko: batetik, Zangozako Merindadean ekoitzitako elikagaien eskaintza artikulatzea eta merkaturatzeari laguntzea logistika eta banaketa partekatuko pilotu baten bidez; bestetik, merkaturatze kanal berriak aztertzea.
Innovari esker
Innova Programak ahalbidetu digu, oro har:
- Epe ertainera banaketa partekatutako proiektu pilotu bat garatzea, inplikatutako sektoreentzako gainkosturik gabe. Ibilbide honi esker, ideiak finkatzen eta definitzen dira, esperientzia praktikoen bidez denboran zehar bideragarri eta jasangarri egiteko modua bilatuz.
- Teknikari baten lanaldi erdiko dedikazioa proiektu honetan.
Esperientzia oso positiboa izan da, eta aurreikusitako helburuak lortzeko sostengua, ezinbestekoa. Bereziki, talde teknikoaren sostengua eta malgutasuna eskertzen dugu.
Eta hemendik aurrera? Nola jarraituko dugu?
Cederna Garalurrek, toki entitateek eta elikadura katean inplikatutako eragileek estrategikotzat jotzen dute lurraldea garatzeko tokiko elikatura sistema baterantz ibiltzen jarraitzea.
Horregatik, garapen agentziaren eta Pirinio, Pirinio Aurreko eta Zangozakoeskualdeetako udalen arteko hitzarmen puntual baten prestaketan lanean ari gara, ildo honetan pausuak ematen jarraitu ahal izateko.
Era berean, tokiko ekintza-taldeak oso positiboki baloratzen du banaketa-pilotuaren garapena eta bilakaera, biztanleriaren interesa eta inplikazioa, eta hamabost egunean behin mantenduko da hilabete hauetan.
