Gabonetako saskien proposamenak 2024an harrera ona izan ondoren, Pirinio, Pirinioaurre eta Zangozako eskualdeetako ekoizleek, bertako produktuen saskiekin, berriz ere lurraldea dastatzera gonbidatzen gaituzte.
Aurten, ekonomia zirkularreko “Jakiak Ehuntzen” proiektuarekin lotutako zazpi ekoizlek bat egin dute bertako produktuen Gabonetako saskiak eskaintzeko: Bordaxaki haragia eta hestebetea
(Otsagabia), Lakabeko okindegia (Lakabe), Pirineki esnekiak (Aurizberrii), Kaiolar gaztak (Otsagabia), Mendiko upeltegia (Oibar),Gukaldelandare-kontserbak (Artieda) eta Josenea infusioak (Irunberri).
Saskien produktuen zerrenda askotarikoa da: marmeladak, kontserbak, ardoak, infusioak, gozogintza, askotariko gaztak, patea eta hestebetea.
Loteak Zangozako Merindadeko (Pirinioetako eskualdeak, Pirinioaurrea eta Zangoza) udal, kontzeju, enpresa, saltoki eta partikularrei zuzenduta daude, eta norberaren kontsumorako edo
oparitzeko edo zozkatzeko erosi ahal izango dituzte. Proposamen honen bidez, tokiko produktuaren kalitatea ezagutarazi nahi da, eta herritarrak eta erakunde publiko eta pribatuak gonbidatu nahi dira herrietako bizimodua bultzatzera, tokiko enplegua sustatuz.
Bi saski mota merkaturatuko dira: txikienak 7 produktu ditu; handiak, 11 (ikus. atxikitako produktuen eta prezioen zerrenda).
Eskaerak azaroaren 27a baino lehen egin daitezke, tejiendoladespensa@cederna.es helbide elektronikoaren bidez. Entregatzeko lekua eskatzailearekin adostuko da. Entregak abenduaren 4an eta 18an egingo dira, Jakiak Ehuntzen taldearen banaketak aprobetxatuz.
Jakiak ehuntzen
Jakiak ehuntzen proiektua, Cederna Garalurrek sustatua, Zangozako merindadean (Pirinioak, Pirinioaurrea eta Zangozako eskualdea) tokiko elikadura-sistema jasangarri baterantz jotzearen aldeko apustua da.
Helburuetako bat da lurralde horretan askotariko elikagaiak daudela agerian uztea eta bertako biztanleen artean elikagai horien kontsumoa zabaltzea.
Proiektuaren webgunean, tokiko elikadura-sistemarekin lotutako eragileen mapa bat ikus daiteke (atxikimendu edo parte-hartze berriei irekia): https://tejiendoladespensa.com/
Inplikatu izan diren hainbat eragileri esker (ekoizleak, saltoki txikiak, udalak, turismo- establezimenduak, kontsumo-taldeak…), 2024 eta 2025 bitartean, banaketa partekatuko proiektu pilotu bat garatu da, inguruko saltoki txikiei, jatetxeei, turismo-establezimenduei eta kontsumitzaileei logistika hobetzeko eta tokiko produktuak eskuratzea errazteko.
Informazio gehiago jaso nahi izanez gero, jarri harremanetan tejiedoladespensa@cederna.es posta elektonikoaren bidez do 607 67 99 03 telefonora deituz.
