Tokiko produktuak inguruko saltoki, ostalaritza establezimendu eta kontsumo taldeetara eramateaz gain, Despentsa Ehuntzen proiektuak abian jarritako banaketa sareak Zangozako Merindadeko udalen aldetik hurbileko produktuen kontsumoa sustatzen du, La Caixa Fundazioaren eta Nafarroako Kutxa Fundazioaren Innova Programaren laguntzarekin.
Oraingo honetan, Zangozako Udala izan da ospakizun baterako hurbileko produktuaren aldeko apustua egin duena.
Nafarroako Gobernuak Zangozako Eskualdeko Mankomunitatearen eta Zangozako Udalaren laguntzarekin azken hilabeteetan Zangozan egindako Gordailu, Itzulketa eta Itzulera Sistemaren (GIIS) proba pilotuaren emaitzak (ontziak itzultzeko makinak) aurkeztu dira gaur, 10:00etan, El Praun (Foru Plaza).
Aurkezpenarekin batera, jokoak, sari banaketa, erakusketa, puzgarriak eta dantzariak izan dituen ospakizun bat egin da. Gainera, 13:00etan hurbileko produktuak zituen hamaiketako herrikoi bat ospatu da: Bordaxaki patea, Solandiako txorizoa eta lukainka, Pirinekiko Ixtileta behi gazta ondua, Kaiolar ardi gazta, Aztal ahuntz gazta, askotariko Aranalde pastak, Lakabeko gari, sesamo, zekale, espelta, mahaspasa eta intxaurren ongiak, Aibar okindegiko askotariko pastak, #Gukalde marmeladak, Mendiko ardo beltza eta arrosa, Artiedako mugurdiak eta/edo marrubiak, Josenea tomateak, Liedako ardo zuria eta Xorta garagardoak.
