Gabonetako saskien kanpainak izan duen arrakasta ikusita, “Jakiak Ehuntzen” proiektuko hainbat ekoizlek bat egin dute berriro udaberri honetan Pirinio, Aurrepirinio eta Zangozako eskualdeetako produktuekin saskiak eskaintzeko. Hala, bertako produktuaren kalitatea ezagutarazi nahi dute, hurbileko elikagaiak dastatzera gonbidatuz eta, horrela, herrietan enplegua eta bizitza bultzatuz.
Oraingoan, bi saski mota eskaintzen dira: bata, askotariko elikagaiekin, eta bestea, produktu freskoekin. Lehenengoan, Kaiolar ardi-gazta (Otsagabia), Mendiko Memoria ardoa (Oibar), Gukalde melokotoi-marmelada (Artieda), Xorta garagardoak (Burgi), Aranalde te-pastak (Ezkaroze) eta Ekumar eztia (Zangozako merindadea). Freskoen otarrean, Irulegiko arrautzak (Idoate), Pirinekiko Elurte gazta (Aurizberri), espeltazko ogia (Lakabe), Baratzan Blai-ko letxugak eta tipulinak (Artieda), Josenea borraja eta infusioa (Lumbier) eta Gukalde kalabaza-krema (Artieda) daude.
Saskiak partikularrei, elkarteei, tokiko erakundeei eta ostalaritzako establezimenduei zuzenduta daude. Horrez gain, saltokietan zozketatzeko saskiak egongo dira.
Nola egin eskaera
Eskaerak ekainaren 6ra arte egin daitezke interneten bidez: https://tejiendoladespensa-jakiakehuntzen.pod.coop/2532/products. Ekainaren 19an eta 20an egingo dituzte entregak. Edozein kontsulta egiteko, deitu 607 67 99 03 telefonora edo bidali mezu elektroniko bat tejiendoladespensa@cederna.es helbidera.
